आदरणीय अभिभावक, शुभचिन्तक एवम् विद्यार्थी बाबुनानीहरु सर्वप्रथम म वेथानी मा.वि एवं मेरो व्यत्तिगत तर्फबाट यस विद्यालयमा यहाँहरुलाई हार्दिक स्वागत गर्न चाहन्छु । बेथानी मा.वि. पोखराकै पूरानो शिक्षण संस्था भएको यहाँहरुलाई विदितै छ । वि.सं. २०३७ सालमा स्थापित यस विद्यालयले वि.सं. २०६७ बाट व्यवस्थापन विषयमा कक्षा ११ र १२ सञ्चालन गर्दै आइरहेको छ । स्थापना कालदेखि हालसम्म यस मा.वि.ले उत्कृष्ट नतिजा प्राप्त गर्न सफल भएको छ । यहाँबाट उच्च शिक्षा हाँसिल गर्नुभएका बाबुनानीहरु राष्ट्रिय एवम् अन्तराष्ट्रिय शैक्षिक बजारमा प्रतिस्पर्धा गरी आफ्नो भविष्य उज्ज्वल बनाउन सफल भएका छन् । हामीसँग अनुशासित व्यवस्थित र मर्यादित शैक्षिक वातावरणमा अनुभवी एवम् दक्ष गुरुबाट पठनपाठन हुने हुँदा अध्ययनरत बाबुनानीहरुले आशातीत प्रगति गर्न सफल भएका छन् । तसर्थ बाबुनानीहरुको सफल भविष्यका लागि ढुक्क भई यस मा.वि.मा अध्ययन गराउनुहुनु हार्दिक अनुरोध गर्दछु । धन्यवाद ।